Alles wat ek skep en deel is gratis – want ek glo in lag en waarde vir elke mamma.
As jy my wil ondersteun om nóg meer waardevolle inhoud te maak, kan jy hier klik – geen verpligting, net waardering. ❤️
Ek is Minki; ook bekend as, Momskazinsky.
Oor My
Ek is ’n mamma van vier: twee biologiese kinders en twee bonuskinders vir wie ek ook primêre versorger is. Ek’s getroud met ’n wonderlike, Godvresende man wat my daagliks herinner dat liefde, lag en geloof die dinge is wat ons dra — veral op daardie chaotiese weeksdae.
Met ’n B Tech in Interior Design (Cum Laude) het ek vir sowat 17 jaar gewerk in die argitektuurbedryf as interieurontwerper, grafiese ontwerper en 3D-render kunstenaar. Maar toe ek ’n ma van vier word, het ek geweet ek wil meer teenwoordig wees — regtig dáár wees — vir my kinders se lewens. Ek het toe Cubify (Pty) Ltd begin: oorspronklik as ’n grafiese ontwerp- en promosievideo-onderneming, maar dit het gou ontwikkel in iets groter.
Dis toe dat Momskazinsky gebore is.
Wat van buite af soos ’n snaakse (of selfs cringe) ma-karakter lyk, is eintlik my manier om eg en veilig te praat — sonder om te huil in die ry by Pick n Pay. Elke reel, elke video is nie nét vir lag nie. Dis ook vir verwerking. Dis my manier om te sê wat moeilik is sonder om te skree. Om chaos in verbinding te verander. En ek doen dit sáám met my kinders — wat self mal is daaroor om deel te wees van die kreatiewe proses.
So nee, Momskazinsky is nie nét ’n grap nie. (Ja, dit ook). Maar dis ’n veilige stem. Dis hoe ek my storie deel, my kreatiwiteit uitleef, en ander mammas laat onthou: jy is nie alleen nie.
Wat's nuut?
Kyk uit vir nuwe dinge wat voorlê - van merch tot video's.
Momskazinsky vat hande met GOSA Girls on Fire.
Kyk uit vir Momskazinsky se nuwe resepreeks vir kinders.
